🌸 గ్రహములు దీప్తాది అవస్థలు-తత్ఫలములు

శ్లో। దీప్తస్స్వస్థో ముదిత శ్శాన్త శ్శక్తో నిపీడితో భీతః !

వికలః ఖలశ్చ కథితో నవప్రకారో గ్రహోహరినా ॥ - సారావళీ

దీప్తము, స్వస్థము, ముదితము, శాంతము, శక్తము, నిపీడితము, భీతము, వికలము, ఖలము అని రవ్యాది గ్రహములు తొమ్మిది విధములైన అవస్థలలో ఏదో ఒక అవస్థ పొందుచుందురు. 

 

శ్లో॥ స్వోచ్చే భవతిచ దీప్త స్స్వస్థస్స్వగృహే సుహృద్గృహే ముదితః |  

శాంతశ్శుభవర్గస్థ శ్శక్త  స్స్ఫుటకిరణజాలశ్చ।

శ్లో ॥ వికలో రవిలుప్తకరో గ్రహాభిభూతో నిపీడితశ్చైవం |
పాపగణస్థశ్చఖలో నీచే భీత స్సమాఖ్యాతః ॥- సారావళీ

ఉచ్ఛయందున్న గ్రహముదీప్తావస్థ, స్వక్షేత్ర మందున్నచో స్వస్థావస్థ, మిత్రక్షేత్ర మందున్న ముదిత, శుభవర్గ యందున్న గ్రహము శాంతావస్థ, సూర్యునకు దూరములో ఉన్నచో శక్తుడు, అస్తంగతుడైన వికలుడు, యుద్ధమందు పరాజయము పొందిన వాడు పీడితుడుగను, పాపగ్రహములచే వేధింపబడువాడును, పాపవర్గము లందున్నట్టివాడును, ఖలుడుగను, నీచపొందినవాడు భీతుడుగను చెప్పబడుదురు. 


🌸 గ్రహ అవస్థా ఫలములు

దీప్తావస్థ (ఉచ్చ) యందున్న గ్రహము యొక్క దశలో కీర్తియు, సకల సంపదలు కలుగును. 

స్వస్థావస్థ (స్వక్షేత్ర) యందున్న గ్రహముయొక్క దశాకాలములో ధనము, రత్నములు, భోగములు, సేవకులు కలిగి, రాజుగాని సేనాధిపతిగాని యగును.

ముదితావస్థ (మిత్ర) యందున్న గ్రహముయొక్క దశలో ధనము భోగములు, రాజ యోగము కలుగును.

శాంతావస్థ (శుభ వర్గ) యందున్న గ్రహముయొక్క దశలో శాంతము, సుఖము, భోగములు, ఐశ్వర్యము, విద్వాంసుడు, పరోపకారి, ధర్మపరుడు కలుగును. 

శక్తావస్థ (సూర్యుని కి దూరంలో) యందున్న గ్రహము దశలో సకలభోగములు అనుభవించువాడును, కీర్తిని పొందువాడును అగును.

పీడితావస్థ (యుద్ధంలో ఓటమి) యందున్న గ్రహము దశలో - దుఃఖము, రోగము, శత్రువుల చే బాధలు పడుచు, బంధువుల నెడబాసి ఏకాకియై దేశదిమ్మరియై తిరుగుచుండును. 

భీతావస్థ(నీచ) ను పొందిన గ్రహము దశలో రాజైనను సకలమును పోగొట్టుకొని మిక్కిలి దరిద్రావస్థకు లోనగును.

వికలావస్థ(అస్తంగత్వం) యందున్న గ్రహము దశలో స్వస్థానము వదలి నానావిధ కష్టము లనుభవించును.

ఖలావస్థ(పాపవర్గం)ను పొందిన గ్రహముయొక్క దశలో సకలైశ్వర్యములు కోల్పోయి, మతిచెడి, కుటుంబమును పోషించ లేక దుఃఖములతో బాధలు పడును.

గ్రహములు ఉచ్ఛరాశి యందున్నను, వక్రించి యున్నను సంపూర్ణబలము కలిగియుండును. అట్టి గ్రహము సంపూర్ణ శుభఫలముల నిచ్చుచుండును.

గ్రహము స్వోచ్చయందున్న పూర్ణబలముతోను, స్వక్షేత్ర - మూల త్రికోణముల యందున్న మధ్యమ బలముతోను యుండును. మిత్రగ్రహములతో కలిసియున్నను, చూడ బడినను, మిత్ర రాశులయందున్నను సామాన్య బలయుతమై యుండును


మీ 

R విజయ్ శర్మ

పురోహితులు, జ్యోతిష్యులు

Cell NO: 9000532563


కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

🌺 యామము అంటే..

సూర్యోదయం నుంచి సూర్యాస్తమయం వరకు ఉన్న కాలాన్ని " దినము లేక పగలు " అని అంటారు. తిరిగి సూర్యాస్తమయం నుంచి సూర్యోదయం వరకు ఉన్న కాలాన్ని " రాత్రి " అంటారు.  ఈ పగలు రాత్రి రెండిటినీ కలిపి " అహోరాత్రము " అని పిలుస్తారు.  పగటిని 4 భాగాలుగాను, రాత్రిని 4 భాగాలుగాను చేస్తే దానికే " యామము " అని పేరు. యామమునకు " ప్రహార, జాము " అని కూడా పేర్లు ఉంటాయి.  (రాత్రి రెండవ ఝాములో, మూడవ ఝాములో అంటాముకదా..!) ఒక రోజులో సరిగ్గా 24 గంటలే ఉంటే, ఒక యామమునకు 3 గంటల సమయం గా తీసుకోవచ్చు.  కానీ వేద కాలమానం ప్రకారము, ఒక రోజుకు సరిగ్గా 24 గంటలు ఉండదు దానిలో మార్పులు ఉంటాయి.  సూర్యోదయ సూర్యాస్తమయ సమయాల్లో తేడాలు ఉండడం వలన ఈ రాత్రి పగలు లేదా ఒక అహురాత్రం లేదా ఒక యామము యొక్క కాలమానం కూడా మారుతుంది. మీ R విజయ్ శర్మ  పురోహితులు, జ్యోతిష్యులు 9000532563
మరింత చదవండి

నరక చతుర్దశి కార్యాకార్యములు

దీపావళి అనగా ఐదు రోజుల కార్యము.  ధన త్రయోదశి (ధన్వంతరి పూజ లక్ష్మీపూజ) నరక చతుర్దశి (ఉదయం స్నానం, యమతర్పణం, సాయంత్రం ఉల్కాజ్యలనం) దీపావళి  అమావాస్య   ( లక్ష్మీ పూజ, ఉల్కాదానం) బలిపాడ్యమి (గోవర్ధన పూజ)  యమ విదియ (భగినీ హస్త భోజనం) నరక చతుర్దశి నాడు సూర్యోదయాన్ని కంటే ముందుగా స్థానాన్ని చేయాలి. ఈ స్నానానికి ముఖ్యమైన సమయం చంద్రోదయ కాలము అంటారు. ఈ నెలలో చంద్రోదయం తెల్లవారుజామున 4.30 నుంచి 5.30 మధ్యలో ఉంటుంది. ఈ సమయానికి ఏ రోజున చతుర్దశి వ్యాప్తి ఉంటుందో ఆరోజు నరక చతుర్దశి స్నానము చేయాలి.  ఒంటికి నూనె రాసుకుని నలుగు పిండితో అభ్యంగన స్నానం చేయాలి. ఆసమయంలో ఉత్తరేణి  , సొరకాయ లేదా ఆముదపు కొమ్మని తీసుకుని తల చుట్టూ మూడుసార్లు తిప్పి వేసి అప్పుడు స్నానాన్ని ఆచరించాలి. తరువాత యమతర్పణము చేయాలి. తల్లిదండ్రులు ఉన్నవారు స్వయంగా దేవ తీర్థముతో లేనివారు అపసవ్యంగా పితృ తీర్థముగా ఈ తరఫున చేస్తారు.  సర్వభూతక్షయాయ నమః, ఔదుంబరాయ నమః, దధ్యాయ నమః, నీలాయనమః, పరమేష్ఠినే నమః, వృకోదరాయ నమః, చిత్రాయనమః, చిత్ర గుప్తాయ నమః” అనియుచ్చరింపుచు నట్లు తర్పణమీయవలెను.  శ్లో॥" తతః ప్...
మరింత చదవండి

ఇంజనీరింగ్ లేక లా చదువు - జాతకం ప్రకారం ఏది?

  జన్మజాతకంలో కుజుడు ఇంజనీరింగ్ విద్యని  గురు, శుక్రులు Law వంటి శాస్త్రాలని సూచిస్తారు.   🌺ఇంజనీరింగ్ అయితే ప్రస్తుతం దశా భుక్తి నాధులకు, చతుర్ధ, దశమ స్థానానికీ    👉ప్రధానంగా కుజ గ్రహం కనెక్షన్ ఉండాలి, కుజుడుతో పాటు ఇతర గ్రహాల యొక్క కనెక్షన్ ఉంటుంది..  👉 4,8,10 భావాల కనెక్షన్ కావాలి.   🌺Law అయితే ప్రస్తుతం దశా భుక్తి నాధులకు, చతుర్ధ దశమ స్థానానికీ 👉తులారాశి, ధనస్సు రాశి కనెక్షన్  👉శుక్ర, గురు గ్రహాల కనెక్షన్  👉 పదో భావానికి 9వ భావంతో గట్టి కనెక్షన్. 🔥🌞ముందుగా భవిష్యత్తులో ఏ ఉద్యోగం అయితే కలిసి వస్తుందనేది చూడండి.   పై గ్రహాల ఆధారంగా పదో భావానికి ఎటువంటి గ్రహయుతులు కలిగాయో పరిశీలించి వాటిలో కాస్త 👉ఆదాయాన్ని, లాభాన్ని👈 సూచించేటువంటి విద్య ఏదో ఒక నిర్ణయానికి రండి.
మరింత చదవండి